ताजा समाचार

श्रावण १६ गते २०७४

पेट्रोलियम खानी अन्वेषण तथा उत्खनन गर्ने तयारी

- सेतो परेवा सम्वाददाता, काठमाडौँ

 सरकारले पेट्रोलियम खानीहरुको अन्वेषण र उत्खननमा ठूला विदेशी लगानीकर्ता भित्र्याउने तयारी गरेको छ ।

मुलुकका विभिन्न क्षेत्रमा रहेका पेट्रोलियम खानीहरुमा पुनः अन्वेषण गरी त्यसमा स्वदेशी लगानीसँगै विदेशी लगानीकर्ता पनि भित्र्याउने सरकारको तयारी छ । सरकारले केही वर्षभित्रै पेट्रोल उत्खनन गर्ने योजनासहित अन्वेषण अघि बढाउने भएको हो ।

अन्वेषण अघि बढाउनका लागि सरकारले पेट्रोलियम खानी उत्खनन नियमावली संशोधन गरेको छ । खानी तथा भूगर्भ विभागका महानिर्देशक राजेन्द्रप्रसाद खनालले अन्वेषणका लागि ठूला कम्पनी भित्र्याउन आवश्यक रहेको र त्यसका लागि राजनीतिक वातावरण अनुकुल हुनुपर्ने बताएका छन् ।

विभागले मुलुकका विभिन्न १० वटा पेट्रोलियम ब्लकमा ठूला विदेशी भित्र्याउन टेण्डर आह्वानको तयारी गरेको जानकारी उनले दिए ।

Comments

comments

Facebook Auto Publish Powered By : XYZScripts.com