ताजा समाचार

कार्तिक २६ गते २०७४

नेयमार फ्रान्सेली सञ्चारमाध्यमसँग रुष्ट

- सेतो परेवा सम्वाददाता,  

पेरिस सेन्ट जर्मेन (पिएसजी) का स्टार नेयमारले गलत कथा प्रकाशित गरेको भन्दै फ्रान्सेली सञ्चारमाध्यमको आलाचोन गरेका छन् । उनले फ्रान्सेली सञ्चारमाध्यमले भने जस्तो टोलीका प्रशिक्षक युनाई इम्री र सहकर्मी इन्डिसन काभानीसँग कुनै समस्या नरहेको दाबी गरेका छन् ।

 

पछिल्ला केही साता यता नेयमार पिएसजीमा खुसी हुन नसकेको भन्दै पटक पटक समाचार प्रकाशित भएका छन् । नेयमार तीन महिना अघि मात्र पिएसजीमाा आबद्ध भएका थिए । यद्दपी क्लबमा आबद्ध भए पछिको एक खेलमा पेनाल्टी हान्ने विषयमा काभानीसँग विवाद भएको थियो । सञ्चारमाध्यमले प्रशिक्षक इम्रीसँग पनि उनी रुष्ट रहेको उल्लेख गर्दै आएका छन् ।

जापानसँग शुक्रबारको मैत्रीपूर्ण खेलपछि बार्सिलोनाका पूर्व स्टारले इम्रीसँग जोडिएर आएका सबै खाले समाचार झुटो भएको बताएका छन् । स्पेनिस पत्रिका मार्काका अनुसार नेयमारले भने, ‘फ्रान्सका सञ्चारमाध्यमले धेरै खाले कथा रचेका छन् । त्यसमा कुनै सत्यता छैन । प्रशिक्षक र काभानीसँग मेरो कुनै समस्या छैन ।’

उनले पिएसजी आफ्नो लागि सहि क्लब भएको पनि दोहोराएका छन् । ‘मलाई ठिक छ , म यहाँ खुसी छु’ , उनले भने, पिएसजीलाई जिताउन प्रतिबद्ध पनि छु र मैदानमा अन्य खेलाडीलाई सहयोग गर्न शतप्रतिशत दिन्छु ।’ उनले इम्रीको निर्देशनमा काम गर्न आफुलाई कुनै समस्या नरहेको पनि प्रष्ट पारको छन् । तर सञ्चारमाध्यमा अरु नै समाचार छापिने गरेको उनको गुनासो गरेका थिए ।

‘म जहिले यहाँ आए, इम्रीसँग छलफल गरेँ। उनले मलाई हर हिसाबले मैदानमा सहयोग गर्ने बताएका थिए,’ नेयमारले स्मरण गरे , ‘मलाई मेरो भूमिका बारेमा जानकारी छ । प्रशिक्षकले जे भन्छन् म त्यसका लागि तयार छु । तर यस्ता सृजना गरिएका समाचारले मलाई दुःखी बनाउँछ ।’

नेयमार यत्तिमा शान्त भएनन् । उनले भने, ‘जनतालाई दिन दिनको कुरा थाहा हुँदैन । तर यस्ता अनावश्यक हल्लाले प्रभावित पार्दछ । मलाई यस्ता गसिप र त्यस्ता बनावटी कथा मन पर्दैनन् ।’ नेयमारले पिएसजी पुगेपछि सबै खाले खेलमा कुल ११ गोल गरिसकेका छन् । उनको आबद्धतापछि पिएसजीले लिग १ र च्याम्पियन्स लिग उपाधि जित्ने आशा गरिएको छ ।

Comments

comments

Facebook Auto Publish Powered By : XYZScripts.com